ONLY YAHWEH CAN CURE COVID 19

20 June 2020

AMEN AMEN AMEN

This is a letter to the international community in particular the Black people's of this world. Jehovah has spoken to us in the church of Israel based in Pietermaritzburg that we ought to pray through fasting and confess our sins for we have forsaken HIM and placed no regard for his laws. Thus let each of us take time to pray at for at least the following number of days ; two, three, four, five or seven days for the  below mentioned months:  

1  Fourth month - Tammuz (Mid Jun to mid Jul) 

2. Fifth month- Av (Mid Jul to mid Aug) 

3. Sixth month Tishri (Mid Sep to mid Oct) 

4. Seventh month - Tebeth (Mid Dec to mid Jan)

These are the only months that God has permitted us to pray for the cure of the COVID 19 pandemic. During this time God will be listening to our prayers so let's bow before HIM will remorse, honesty and truth. 

LIGHT! GLORY! 

Omkhulu Mprofethi 

Saint Jesus Zion Apostolic Church of Israeli

UKUNQOBA I-COVID19

Amen ma-Afrika!  nanku umyalezo engiwuthola manje ngo14:30 (23 April 2020). Uthi uJehovah amabandla akhe mawahlangane akhe indlu eyodwa yokumkhonzela la eSouth Afrika. Uthi uMoya kaJehovah sizophuma kulesimo esikuso njengoba awprofetha ngoSakaria esahlukweni 8. Masihlambuluke sisho izono zethu futhi nathi sithelelane, siyeke amanga kanye nokufunga ngamanga sitshelane iqiniso omunye komunye, sibe noxolo.

Sifase ibhandi ngalezinyanga ezilandelayo: 

1. Inyanga yesine uTammuz (Mid Jun kuya mid Jul) 

2. Inyanga yesihlanu uAv (Mid Jul kuya mid Aug) 

3. Inyanga yesikhimbisa uTishri (Mid Sep kuya mid Oct) 

4. Inyanga yeshumi uTebeth (Mid Dec kuya mid Jan)

Lezinyanga ziya ngohlelo lwekhalenda eseBhayibhilini, elihlukile kunaleli esilijwayele futhi esilisebenzisayo kulezinsuku. Siyanxuswa ukuthi sibe nomoya wokuzisola ngeqiniso siphenduke, omunye nomunye afase ibhandi kulezinyanga ezibekiwe okungenani insuku ezintathu, ezine, ezinhlanu, eziyisikhombisa noma eziyishumi. Lo myalezo uthunyelwa kuwo wonke ama-Afrika ngokusabalala kwawo emagumbini amane omhlaba. 

Mina Omkhulu Mprofethi, ngiyafakaza ukuthi lezindaba ezilotshwe lana ezeqiniso futhi ngizimbulelwe. Ongezayo kuzo uzokwengezelwa isijeziso futhi onciphisayo kuzo uzoncishiselwa izibusiso. 

• Buya Nkosi yamakhosi Yesu Kristu wase Nazaretha uzothatha umbuso wakho nangunaphakade! Amen! Amen!

UYESU UNGUKRISTU NOMESSIYA

 Umbhalo kaOmkhulu (Johane) ephendula ngemibhalo kaRev Mpanza weNazareth church of God elihlubuke ebandleni iNazareth Baptist Church elidume ngelikaShembe! 

Ukuthula nomusa makube kunina bantwana bo kukhanya! 

Lencwadi ngiyiqopha ngenxa yemibhalo eminingana esengihlangabezane nayo njengoba sengilobile ngenhla. Ngiyithumela kuwe Babu Rev Mpanza, kuyincwadi evulekele nomphakathi wonke. Angiqale ngokusho ukuthi ngiyayithokozela inkonzo yeShabatha oyethula kuKhozi FM ngoba ngiyithola ihambisana nandlela nami engambulelwe ngayo. 

Ngicathi kungakuhle ngiqale ngizazise kafuphi nje yize ngingeyilutho phambi kwesizwe somhlaba. Igama lami lokuzalwa ngiwu-Lephallo Mohoto phansi kwesibongo uMohlakoana, ngizalelwe edlini ekhaya eMatatiele ngise veyilini - abashoyo bathi zange ngikhale mengizalwa kwaze kwaba yisikhathi sekugqabhuzwe iveyili ebengimbozwe yilo. Ukukhula ngikhulele  la eMgungundlovu ngafunda amabanga aphezulu eM.L Sultan lapho ngaba yiDux yakhona ekuqedeni umatibuletsheni. Ngase ngiyofunda eNyuvesi yaKwaZulu Natal lapho ngenze iB Com Economics/Finance kanye neB Com Honours in Finance ukubala ezimbalwa nje. Ngase ngithola umsebenzi eOld Mutual Head Office ekapa ngasuka lapho ngasebenza ePhalamende khona  futhi ekapa, yilapho ke la ngathola khona ubizo lami. Kafishane nje ngingathi kwaphoqa ukuthi ngikushiye konke lokhu kuze ngisabele ubizo lwami okuyinto esingayidingida kabanzi ngelinye ilanga. 

Kepha ngingasho ukuthi ngizibonile izingelosi kanye nabasezulwini kulona loluhambo lwami - ngingabala oAbrahama, Isaaka, Jakobo, Abednego, Solomon, Malakhia, Moshe, Petro, Johane (engiqanjwe ngaye ngokaMoya), Pawuli, Yesu Kristu, Adama, Lizwi, Ukukhanya, Ukulunga nabanye abaningi. Into enhle ngalokhu ukuthi ababonwa yimi ngedwa kodwa uJehovah wenzile ukuthi kube khona ofakazi ngalokhu engikukhulumayo. 

Ngikubhalela ngokukhulu ukudumala nokuphoxeka ngenxa yezinye izinto ezibhalwe ekhasini lakho elikwi-internet; ngizothinta kafushane nje kuzona ngoba ngithemba ukuthi uMoya Oyingcwele;  owafika ebantwini ngenxa yesiphambano lesi enisithukayo namuhla, ukuthi uzowavula amehlo avalekile noma kungawami, noma awakho nanoma awomuphi umuntu. Into engimangaza kakhulu ukuthi nithi uYesu akusiye uKrestu.  Lesenzo senu siphikisana ncamashi nobizo lika Mprofethi uIsiah Shembe okuyena enithi nibizwe ukuthi nivikele  ubuNazaretha abuthunyelwa. Ingabe ngokulandula UbuKrestu bukaJesu nichaza ukuthi uShembe wayedukile yini na ngoba phela nazo izihlabelelo zakhe zifakaza ngoJesu waseNazaretha onguKrestu futhi oyiNkosi yeShabatha. 

Uma mhlawumbe kwenzeka senikhohliwe yizo ake niphinde niyozifunda kahle eskakhulu izihlabelelo - 2, 5, 50, 58, 61, 66, 73, 80, 82, 84, 87, 93, 103, 109, 133, 139, 140, 142, 152, 159, 185, 186, 188, 192, 194, 217 no218. Zonke lezihlabelelo ezika Isiah Shembe zikhuluma ngoJesu Krestu. 

Zifakazelwa nayizincwadi zeTestamente elisha (1 Petro 1:13, 1 Petro 3:18 /5:1). 

Angithi naye uJesu uqobo washo ukuthi unguKrestu nkathi ebuza abafundi bakhe ukuthi abantu bathi ungubani (Marku 8:29). Pho nina nidukiswa yini nje seniphephulwa umoya kuhle kwephepha. Ithi nginazise ngaphandle ngokungabaza ukuthi omunye nomunye ophika ukuthi uJesu unguKrestu (Messiah) ungu anti-Krestu njengoba kulotshiwe encwandini 1 Johane 2: 18-26/4: 1-3; Juda 1: 4-11. 

Musani ukuba abadukisi okukhulunywa ngabo esuprofethweni ngokuloba kukaPetro (2 Petro 2:1-4).  Into engicacelayo mengifunda lemibhalo yenu ukuthi nididwa nje ukutolika ulimi kanti zonke izilimi ngezikaJehovah. Ngakho noma ningathi uYesu unguKristu (isiGreek) noma nithi unguMessiah (isiHebheru); kusayinto eyodwa ngoba eMoyeni kuyaziwa ukuthi kukhulunywa ngobani. Yingakho ke mina ngikwazi ngisho nanamuhla ukukhipha amadinomi futhi ngilaphe ngeGama likaJesu Krestu wase Nazaretha. UJesu uqobo kazange athi asimhlukanise ngokuthi nguKristu noma Messiah kodwa wathi asomhlukanisa ngokuthi uJesu wase Nazaretha ngoba baningi abanye abazozibiza ngoJesu, akashongo ukuthi abazozibiza ngoKrestu noma Messiah ngoba leligama likhethekile, lagcotshwa futhi kaqiniswa eZulwini. Lifana negama likaJehovah, akekho omunye ongabizwa ngalo ngoba elakhe yedwa. Njengoba nani nitolika igama lika YHWH (isiHebheru) nithi Yahweh noma nithi Yehovah noma Jehovah okusalayo leloGama liqinisiwe futhi likhethekile noma lingatolikwa ngaluphi uhlobo. manje lenkulumo yenu ilahlekile impela, iswela uMoya kaJehova. Ngoba noma singathi Nkulunkulu (isizulu), Modimo (sesotho), Thixo (isiXhosa), God (Isingisi), Allah (isiArab), okusalayo emoyeni sikhuluma ngoJehovah uMvelinqangi.  

UJesu wase Nazaretha unguMessiah noKristu ngenxa yokuthi uyindodana kaNkulunkulu eyadalwa phambi kwezulu nomhlaba njengoba zifakaza lezincwadi - (Genese 1: 26, Genese 11: 7,  Izaga 8: 22-36, Johane 1, Shembe 71). 

Ngakho ke uma kuwukuthi nithunywe yiyo iNgelosi yaShembe, lokho makubonakale ningasho ngomlomo nje kuphela ngoba isizwe sakithi siyayidinga inkululeko kaMoya nokwazi ngemvelaphi yabo yeqiniso. 

Enye indaba enibhale ngayo imayelana nePhasika, ithini nginitshele indaba ningayibuzanga; ngonyaka u-2018 ngesikhathi sokulungisela iPhasika ngaba nombono kufika uMprofethi Isiah Shembe, mina ngisethempeleni ngathuka kakhulu ngahlehla, wase ethi kimi "musa ukuthuka ngizodla iPhasika nawe", ngase ngithi mina hawu Baba ngoba ngithi ibandla lakho aliligubhi nje iPhasika ngaleskhathi kunalokho likhunjulwa ngoJanuary. Wasethi kumina kanti ikhalenda lamanje liyafana yini nekhalenda eliseBhayibhilini, wase enyamalala. Ngalesosikhathi ngangingazi kabanzi ngeBandla lamaNazaretha futhi kwalona lelikhalenda leBhayibheli. Ngase ngisesha ngaze ngathola ukuthi impela awafani. Nakuwona lonyaka ngibe nayo imibono yaseZulwini ngePhasika ngaze ngabona ngisho isigubhu esikhulu sime esibhakabhakeni mina ngihleli phezu kwentaba eseduze nesibhakabhaka ngaze ngathi sengisondele kakhulu ebusweni baJehovah, ngosuku lwephasika. 

Ngomhlaka 2 May 2020 okuwusuku lesikhumbuzo sikaBabamkhulu uIsiah Shembe, nakhona ufikile kumina ngezwa nezwi lakhe wangivikela ngisho nasezitheni. Yingakho ngithe nami mangibhale ngibeke owami umbono wathusenti. 

Umbuzo enginishiya nawo ukuthi nibakhulu yini kunabaprofethi abaseBhayibhilini kusukela kuHenoke kuya kubaPhostoli kuze kube yimanje, njengoba nibadelela ngalendela, ngoba phela bona bafakaza ngobuKrestu buka Jesu wase Nazaretha. Nize nithi uPetro nabapostoli babengenawo uMoya kaJehovah na? Nibakhulu futhi yini kuMprofethi Isiah Shembe owayekholelwa kwabaprofethi, abaphostoli kanye nakuYesu Krestu na? 

***Lencwadi ibhalwe nguOmkhulu Mohlakwana owaziwa ngoMprofethi Johane endaweni yakwaDambuza, Edendale. Onesambulo wasezulwini nobufakazi bokuthi uYesu Kristu umuntu omnyama nokuthi isizwe sabansundu eAfrika ngamaIsirayeli eqiniso. Lezindaba zibhalwe ngaphansi kweNgelosi yeHhashi elimhlophe - Ukulunga, ebandleni lamaIsirayeli eDambuza.